أآأه من قلب همـومه ساكنـات ما تـروح
............قلب في الهم ساكن كيـف بـالله يسـتريــح
لو قدرت اصبر واصبر للصبر حد(ن) يلوح
............وكل هذا الصبر ينفد يترك القلب الذبيح
كلما حاولت اداوي جرح زادت بي جـروح
.............ايش اسوي دام قلبي ما يكون الا جريـح
كم بها الدنيا صبور(ن) ثابت(ن)صلب نصوح
...........زاد فيه الهم لين اصبح من همومه يـصيح
وكم قوي(ن) عازم(ن) يبني من الهمه صروح
............هد صرحه حر جرحه وهمـه اللي يـستبيـح
ما يطيح القلب دامه جازم جلد طموح
..............بس لا كثرت همـومه يـشهد الله لـيطيـح
ما اقوله يأس لكن من صدى جرحي ابوح
.........واكتب اللي جال في الخاطر وبالحرف الصريح
لعنبو دنيا خفوقي من سبايبها ينوح
.........موتي ارحملي من اللي شفت فيها بالــصحيح
الثلاثاء 14 أكتوبر - 16:06
